რუსული პირველი არხის თანამშრომლის პირდაპირ ეთერში ომის საწინააღმდეგო ბანერით გამოჩენას, სოციალურ ქსელში დიდი გამოხმაურება მოჰყვა. მარინა ოვსიანნიკოვას უკრაინელები, რუსები, ქართველები გაბედული საქციელისთვის მადლობას უხდიან და გმირს უწოდებენ. თუმცა, ოვსიანიკოვას გაბედული ნაბიჯი თინა კანდელაკმა პროვოკაციად შეაფასა და ფაქტობრივად სახიფათო შეტყობინება გააზავნა რუსეთის ხელისუფლების მისამართით. ის დაჟინებით ამახვილებს, ყურადღებას იმაზე, რომ პირველი არხის თანამშრომელი მარტო არ მოქმედებდა და ანტირუსულ კამპანიაში სხვებიც ეხმარებოდნენ.
“ასეთი პროვოკაცია შეიძლება ნებისმიერ არხზე მოხდეს, მით უფრო პირდაპირ ეთერში, არავინაა ამისგან დაზღვეული. როგორც ჩანს, აქტივისტი არ მოქმედებდა მარტო, მას ტელეფონითაც იღებდნენ, ბანერი სამუშაო ადგილზე დამზადდა. როგორც ჩანს, კოლექტივი ამაში დაეხმარა. ეს ძალიან საწყენია, მას არავინ აიძულებდა ემუშავა პირველ არხზე, ხელბორკილებით არავის ჰყავდა დაბმული. ყველა იქ მუშაობს სიამოვნებით და იღებს ხელფასს. მთავარი კითხვა კი ისაა, ვინ დაგეგმა ეს ანტირუსული პროვოკაცია, რადგან რამდენიმე საათში მას თავად ზელენსკიმ მადლობა გადაუხადა დამთხვევაა? არ მგონია“, – წერს კანდელაკი რუსულ სოციალურ ქსელში – „ვ კონტაკტე“.
