რუსეთის სახალხო არტისტი ლია ახეჯაკოვა ერთ-ერთი პირველი იყო მათ შორის, რომელმაც ღიად დაგმო პუტინის აგრესია უკრაინაში. ახეჯაკოვამ რუსეთის ხელისუფლების მხრიდან შექმნილ უმძიმეს ვითარებაზე გადაცემაში – ვახო ხუზმიაშვილის თავისუფალი სივრცე ისაუბრა და აგვისტოს ომიც გაიხსენა.
მსახიობი საკუთარი ხელისუფლების დანაშაულების გამო თავს დამნაშავედ გრძნობს.
“ვფიქრობ, ისევ სასწაული თუ შეაჩერებს ამ ყველაფერს, მაგრამ შედეგი იქნება ძალიან ცუდი, საზიზღარი, როგორც ჩვენთვის, ისე მეორე მხარისთვის.
ვიცი, რომ რუსეთის მოსახლეობის უდიდესი პროცენტი მხარს უჭერს იმ პროცესებს, რაც ახლა უკრაინაში ხდება, მაგრამ მე პირადად ასეთ ადამიანებს არსად არ შევხვედრივარ.
ახლა ჩვენთან ნამდვილ ინფორმაციას “ფეიკს” ეძახიან, “ფეიკს” კი – ნამდვილს. იმდენი სადამსჯელო კანონი შემოიღეს, როცა იცი ციხეში მოხვდები, ცოტა რთულია ყველამ გააპროტესტოს. ახლა ძალიან ძნელია, სიმართლე დაამტკიცო აქ.
მე არ ვარ პოლიტოლოგი, მაგრამ ვამტკიცებ, რომ საქართველო რუსეთს თავს ვერ დაესხმეოდა, ვერცერთი მხრიდან…
განადგურებული ვარ, არც კი ვიცი რა შეიძლება გაკეთდეს, თავს ვგრძნობ ძალიან დამნაშავედ, რაგდან ეს ე.წ. სპეცოპერაცია ჩემი სახელითაც ეწყობა, მე ხომ რუსეთის მოქალაქე ვარ?! დამნაშავე ვარ იმაში, თუ რა ხდებოდა საქართველოში… მე ისეთივე დამნაშავე ვარ, როგორც ყველა, ვისაც რუსეთის მოქალაქეობა აქვს. იმდენად დამნაშავე ვართ, რომ მე პატიებასაც ვერ გთხოვთ. არ ვიცი, როგორც გვაპატიებთ.
ისე წავა ჩვენი საქმე, რომ ამიერიდან გასტროლებს მხოლოდ ჩინეთში თუ მოვაწყობთ, რა აზრი აქვს იქ ჩასვლას”, – ამბობს ლია ახეჯაკოვა.
იხილეთ ვიდეო:
https://www.facebook.com/watch?v=464769862012080