ჟურნალისტი ნინო ჯანგირაშვილი სოციალურ ქსელში წერს:
“რომ არ მოგიყვეთ არ შემიძლია. ომის დაწყების შემდეგ რუსული პროპაგანდისტული მედიის თვალყურის დევნებას აუცილებლად ვთვლი. ხოდა, მოკლედ, შემოვარდა დღეს სალავიოვი აქოშინებული სტუდიაში. აი, ის სალავიოვი, კომოს ტბაზე 2 ვილა რომ ჩამოართვა გუშინ იტალიის ხელისუფლებამ.
აქამდე ნაციკებიო, დონბასიო, მშვიდობიანი მოსახლეობა უნდა დავიცვათო, მერე დიდი რუსულ/სლავური სახელმწიფო უნდა აღვადგინოთო, დიახაცო.
ნუ, მოკლედ, ახალი ვერსია აქვთ დღეიდან: იმიტომ შევვარდით უკრაინაში ასე სასწრაფოდ, რომ ატომურ ბომბს ამზადებდნენო. ბირთვული რაკეტა სამ თვეში ექნებოდათო, ჭუჭყიანი ბომბი მგონი უკვე აქვთო, ტასი იუწყება ჩვენს დაზვერვაზე დაყრდნობითო. მუშაობენ ეგენი ბირთვული იარაღის შექმნაზეო, დოკუმენტები ჩაგვივარდა ხელშიო, ნაწილი გაანადგურეს და ნაწილი ლვოვში გააქციესო. მოკლედ, დიდი ეჭვი გვაქვს, უკვე აქვთ ატომური ბომბიო, კვალსაც ვიპოვით მალეო. ახლა ხო გასაგებია რატომ შევიჭერითო.
ჩვენ ადრეც ვლაპარაკობდით ატომურ ბომბებზე, უკრაინა ამზადებს და დასავლეთს არაფრის არ სჯერა რასაც რუსეთი ამბობსო, ხოდა, ბეწვზე მივუსწარით ზელენსკის რომ ატომური ბომბი არ დაამზადოსო. თან შიგადაშიგ რაღაცებს აყოლებდა, ახლა მსოფლიო კიდევ უარესს გვიპირებს, ვენესუელადან და ირანიდან აპირებენ ამერიკელები ნავთობის ყიდვას რომ ჩვენ მოგვტეხონ, ახლა ჩვენ ვხდებით ირანიო. ახლა ვარკვევთ, ატომური ბომბის დამზადებაში ამერიკელები უფრო ეხმარებოდნენ უკრაინას თუ ბრიტანელებიო.
მოკლედ, ძალიან დამძიმდნენ ესენი. ხვდებიან, რომ საკუთარ მოსახლეობას ვეღარ უხსნიან, რატომ ვეღარ უნდა იყიდოს “სმეტანა” რიგითმა რუსმა პუტინის ბოდივით იმპერიული იდეების გამო, ან რატომ შევარდნენ უკრაინაში, თუ არაფერი გათვლილი არ ჰქონდათ, და ახლა გადაწყვიტეს ამტკიცონ, უკრაინაში რომ არ შევჭრილიყავით ზელენსკი ატომურ ბომბს გვესროდაო. უი, თან დაამატა, ზელენსკი სააკაშვილის ხაფანგშია გაბმულიო. მოკლედ, მგონი კობახიძე ჰყავთ მრჩევლად. ჯერ სად ხართ. დამძიმება მალე ნახეთ”, – წერს ჯანგირაშვილი “ფეისბუქი”-ს პირად გვერდზე.
454 ნახვა
