“ალექსანდრე კობაიძე შემოვიდა დამპირდა, რომ 10 000 დოლარი გადამიხადეთ და შევთანხმდებით სააპელაციო სასამართლოში და სასჯელის ნახევარს მოგაკლებთო” – TV პირველის ცნობით, ამის შესახებ ამბობს ქუთაისის ციხის ერთ-ერთი პატიმარი მათთან სატელეფონო კომენტარში.
“ალექსანდრე კობაიძე შემოვიდა ქუთაისის მეორე დაწესებულებაში. დამპირდა, რომ 10 000 დოლარი გადამიხადეთ და შევთანხმდებით სააპელაციო სასამართლოში და სასჯელის ნახევარს მოგაკლებთო. მე ხალხი მყავს ქართულ ოცნებაშიო, ჩავრევ ხალხს და სასამართლო პროცესს როგორც მინდა ისე დავასრულებთო.
2-3 თვე გავიდა, ალექსანდრე კობაიძე არსად აღარ გამოჩენილა და მერე გავარკვიეთ, რომ გაიქცა მოსკოვში. ფული გადავუხადეთ, 5 000 დოლარი მივეცით და გაიქცა მოსკოვში. თავიდან 10 000 დოლარი ითხოვა, შემდეგ 20 000 დოლარი და შემდეგ შევთანხმდით რაღაც ნაწილზე და იმის მერე საერთოდ გაქრა. ჩემს გვერდზე მყოფ პატიმარს ეგ ადვოკატი ჰყავდა გავარკვიეთ და 20 000 ლარი ჰქონდა გადახდილი და შემდეგ თაღლითობა აღმოჩნდა. პატიმრებს ატყუებს, ბრალდებულებს ატყუებს, მე ქართულ ოცნებაში საქმეს გავაკეთებ და გაგიყვანთ ციხიდანო ასე გვპირდება, ფულს გვართმევს და არაფერს არ აკეთებს” – TV პირველის ცნობით, ამბობს ქუთაისის ციხის ერთ-ერთი პატიმარი მათთან სატელეფონო კომენტარში.
თავად ადვოკატმა ალექსანდრე კობაიძემ ბრალდებებს ტყუილი და მის წინააღმდეგ “შავი პიარი” უწოდა.