მიხეილ ყაველაშვილის ირანში, აიათოლა ალი ხამენეის დაკრძალვაზე ჩასვლას ანალიტიკოსები საქართველოს საგარეო პოლიტიკის კონტექსტში აფასებენ. ზურაბ ბატიაშვილის თქმით, ეს ვიზიტი არ შეესაბამება „ქართული ოცნების“ დეკლარირებულ სურვილს, აშშ-სთან ურთიერთობების გადატვირთვისკენ იმუშაოს, განსაკუთრებით მაშინ, როცა საქართველო ანკარაში დაგეგმილ ნატოს სამიტზე წარმოდგენილი არ იქნება.
ანალიტიკოსი მიიჩნევს, რომ ირანში ვიზიტი ვაშინგტონთან ურთიერთობების გაუმჯობესების მცდელობას ხელს ვერ შეუწყობს.
მაშინ, როდესაც საუბარია იმაზე, რომ “არტული ოცნება” ელოდება და ხელს უწვდის აშშ-ს ურთიერთობების გადატვირთვაზე, ეს ფაქტი ნამდვილად არ წაადგება მათ ამ განწყოლბას და მათ ამ სურვილს. მაშინ, როდესაც ყაველაშვილი მიდის ირანში, საქართველო არ იქნება წარმოდგენილი ანკარასი რამდენიმე დღეში გასამართ ნატოს სამიტზე, სადაც პრეზიდენტი ტრამპი იქნება წარმოდგენილი და ასევე ნატოს წევრი ქვეყნები, უკრაინა, ავსტრალია და ა.შ., – ამბობს ანალიტიკოსი ზურაბ ბატიაშვილი.
გიორგი მელაშვილის შეფასებით კი, ხელისუფლების განცხადებებს აშშ-სთან ურთიერთობების დალაგების შესახებ რეალური შედეგი არ მოჰყვება, მაშინ როცა ირანთან, რუსეთთან და ჩინეთთან კონტაქტები კიდევ უფრო აქტიურდება.
“ქართული ოცნება” მუდმივად ცდილობს, შექმნას აშშ-თან ურთიერთობების დალაგების შთაბეჭდილება, მაგრამ სინამდვილეში, იქნება ეს ტრამპის ინაუგურაცია, ყაველაშვილის მიერ ზარის მოლოდინი თუ სხვა ქმედებები, ამას არ მოჰყვება არანაირი რეალური შედეგი საქართველოს მოქალაქეებისთვის. პირიქით, ჩვენ ვხედავთ, რომ ირანთან, რუსეთთან და ჩინეთთან კომუნიკაცია კიდევ უფრო მეტად იზრდება და საბოლოო ჯამში, “ქართული ოცნების” არაადეკვატური საგარეო პოლიტიკის შედეგად ჩვენ უფრო და უფრო ვშორდებით დასავლეთს, – ამბოლბს გიორგი მელაშვილი.
შეგახსენებთ, რომ მიხეილ ყაველაშვილი ირანში აიათოლა ალი ხამენეის დაკრძალვაზე ჩავიდა.