ნათია ჭავჭანიძემ სასამართლოში სიტყვიერი გაფრთხილება მიიღო, მისი მეუღლე კი პატიმრობაში გაუშვეს. დღეს გამართულ შვიდ სასამართლო პროცესიდან ხუთი ადმინისტრაციული პატიმრობით დასრულდა, ორი კი სიტყვიერი გაფრთხილებით. დაკავებები ტროტუარზე დგომის ფაქტს უკავშირდება.
ხუთი დაკავებულიდან სამი – სანდრო მეგრელიშვილი, დიმიტრი ჯამბურია და ლუკა ნაგლიაშვილი ადმინისტრაციულ პატიმრობაში მოსამართლე დავით მაკარაძის გადაწყვეტილებით გაუშვეს. მაკარაძე თბილისის საქალაქო სასამართლოში გორიდან მივლინებით არის გადაყვანილი. კიდევ ორ საქმეზე გადაწყვეტილებებს მოსამართლეებმა ცაცუამ და ცეკვავამ მოაწერეს ხელი. დღევანდელი პროცესების შედეგად ქალი აქტივისტები თავისუფლებაზე დარჩნენ, მამაკაცები კი იზოლატორში გადაიყვანეს.