“საერთაშორისო გამჭვირვალობა საქართველოს” (TI) აღმასრულებელი დირექტორი, ეკა გიგაური TI-ის კვლევაზე საუბრობს და აცხადებს, რომ საქართველოში კორუფცია სისტემურია.
- “საერთაშორისო გამჭვრივალობა საქართველო” ქართული ოცნების დეპუტატების ბიზნესთან კავშირების, სახელმწიფო შესყიდვებისა და პარტიული შემოწირულობების შესახებ კვლევას აქვეყნებს.
- ირკვევა, რომ 87 დეპუტატიდან 41-ს აქვს ბიზნესთან კავშირი – აქედან შემოსავლის შესახებ დეკლარაციაში უთითებს 17.
მისი თქმით, ის “ქართული ოცნების” ყოფილი მაღალჩინოსნები, რომლებიც დააკავეს არაფერ განსხვავებულს არ აკეთებდნენ ივანიშვილის გუნდის მოქმედი დეპუტატებისა და მაღალჩინოსნებისგან.
საქართველოში კორუფცია არის სისტემური და ამას პრინციპში “ქართული ოცნებაც” აღიარებს, თითქოსდა ისინი ებრძვიან კორუფციას, მაგრამ ამ ბოლო პერიოდში აპატიმრებენ მხოლოდ კონკრეტულ ადამიანებთან დაკავშირებულ პირებს. სინამდვილეში, ჩვენ სულ ვამბობდით, რომ კორუფციას აქვს სისტემური ხასიათი და ის ადამიანები მათ შორის, რომლებიც დააპატიმრეს, ყოფილი “ქართული ოცნების” მაღალჩინოსნები, ისინი არ აკეთებდნენ არაფერს ისეთს, რასაც არ აკეთებს რიგითი “ოცნების” დეპუტატი, ან მაღალჩინოსანი.
ჩვენ წლების განმავლობაში ვამბობდით, რომ ძალიან ბევრი არის ჩართული ბიზნესსაქმიანობაში, ან მათი ოჯახის წევრები არიან ჩართულები ბიზნეს საქმიანობაში და ისინი მდიდრდებიან ქართველი ხალხის ხარჯზე ბიუჯეტიდან და ზუსტად ამაზე მიუთითებს მხოლოდ დეპუტატებთან დაკავშირებული ინფორმაცია 87 დეპუტატიდან 41 ფლობს კომპანიას და 7 კომპანია იყო ბოლო პერიოდის განმავლობაში, რომელმაც 271 ტენდერი მოიგო. იყო 13 კომპანია, რომლებიც იყო მფლობელობაში კონკრეტული დეპუტატების და მათმა კომპანიებმა 301 გამარტივებული შესყიდვით მიიღეს კონტრაქტები. ცხადია ამ დეპუტატებთან დაკავშირებული კომპანიები წირავენ “ქართულ ოცნებას” და შემოწირულობები ძალიან დიდი არის…” – განაცხადა ეკა გიგაურმა.