საპროტესტო აქციებზე დაკავებულების ოჯახის წევრები ამ დრომდე გლდანის ციხესთან იმყოფებიან.
ისინი ყაველაშვილის მიერ შეწყალებული პატიმრების მიერ სასჯელაღსრულების დაწესებულების დატოვებას ელოდებიან.
მიუხედავად იმისა, რომ შეწყალებულთა სია არ გასაჯაროებულა, არსებობს მოლოდინი, რომ, შესაძლოა, მათ შორის იყვნენ პროდასავლურ აქციებზე დაკავებული აქტივისტებიც.
ყაველაშვილმა ცოტა ხნის წინ გაავრცელა ინფორმაცია, რომ ნათლისღების დღესასწაულთან დაკავშირებით 159 პატიმარი შეიწყალა. ამ დრომდე, სასჯელაღსრულების დაწესებულება არც ერთ პატიმარს არ დაუტოვებია.