გლდანის ციხესთან, სადაც დილიდან სინდისის პატიმრების ოჯახის წევრები, ჟურნალისტები, ადვოკატები იმყოფებიან, 400-ლარიანი ჯებირის დაზიანების საქმეზე გასამართლებული ომარ ოკრიბელაშვილი მივიდა. მან ციხე რამდენიმე თვის წინ დატოვა.
აქტივისტმა იმედი გამოთქვა, რომ პროევროპულ აქციაზე დაკავებულები ციხეს უახლოეს ხანებში დატოვებენ:
“არ ვიცი მე რატომ არ შემიწყალეს, მაგრამ იმედი მაქვს, პატიმრებს შეიწყალებენ. წინაზეც ვიყავი მოსული და ახლაც მოვედი მხარდასაჭერად. იმედი მაქვს, ყველას შეიწყალებენ. ყველას თუ არა, ერთი მაინც რომ გამოვიდეს ეგეც რაღაცნაირად გამარჯვებაა. წარმატებებს ვუსურვებ და ყველას დავხვდები და ვუგულშემატკივრებ. პირადად ვთხოვ ბიძინა ივანიშვილს სინდისის ყველა პატიმარი შეიწყალოს.
სინდისის პატიმრებს გამარჯვებას ვუსურვებ ვისურვებ, რომ ამ ციხეში აღარავინ შებრუნდეს უკან, ისე გაგვემარჯოს საქართველოსთვის”, – თქვა ომარ ოკრიბელაშვილმა.