“მთავარი არხის” გენერალური დირექტორი, ადვოკატი ნიკა გვარამია უკრაინაში შექმნილ მძიმე ვითარებაზე პრემიერ ღარიბაშვილის დღევანდელ განცხადებებს, სოციალურ ქსელში ეხმაურება:
“საქართველოს სამარცხვინო კაპიტულანტური ხელისუფლება არასდროს ყოფილა ასეთი სამარცხვინო და კაპიტულანტური!
არსებულ საერთაშორისო და შიდაპოლიტიკურ კონტექსტში, აღნიშნულს უნდა მიეცეს ქვეყნის რუსეთისთვის გადაბარების შეფასება!”, – წერს გვარამია “ფეისბუქი”-ს პირად გვერდზე.
საქართველოს პრემიერ-მინისტრი ირაკლი ღარიბაშვილი პარლამენტის რიგგარეშე სხდომაზე არ მივიდა.
როგორც ღარიბაშვილმა ჟურნალისტებს განუცხადა, ოპოზიციის „ამოცანა არის პროვოკაციების მოწყობა და იმ უბედურების გამეორება, რომელიც 2008 წლის აგვისტოს ომში ვერ აირიდეს“.
„რა თქმა უნდა, არ მივალ. მე მაქვს ჩემი საქმე, პარლამენტს თავისი საქმე აქვს. ომი უკრაინაში მიმდინარეობს. ჩვენ შეშფოთებით და დიდი ყურადღებით ვაკვირდებით იქ განვითარებულ მოვლენებს, ეს ერთი და მეორე, უპასუხისმგებლობა, მავნებლობაა ის პოლიტიკა და ის უსარგებლო ხმაური, რასაც ჩვენი ოპონენტები აკეთებენ. არაფრისმომცემი, ეს პირიქით, ეწინააღმდეგება ჩვენი ქვეყნის ეროვნულ ინტერესებს. მათი ამოცანა არის პროვოკაციების მოწყობა და იმ უბედურების გამეორება, რომელიც 2008 წლის აგვისტოს ომში ვერ აირიდეს. ამაზე მინდა გითხართ, 2008 წლის ომში მაშინ, როცა ჩვენი გმირი ჯარისკაცები თავგანწირვით ომობდნენ, მაშინდელი ხელისუფლება, კარგად გახსოვთ ყოფილი მთავარდსარდალი მიწაზე გართხმული აჩვენებდა მთელ მსოფლიოს თავის სამარცხვინო საქციელს, პარლამენტის წევრები კი საზღვარგარეთ გარბოდნენ“, – განაცხადა ღარიბაშვილმა.
https://mix.metronome.ge/26191-2/
543 ნახვა
