„საკვებზე დაფიქსირებულმა ალერგიულმა რეაქციამ 17 წლის მოზარდში ანაფილაქსიური შოკი გამოიწვია…“ – ამის შესახებ ალერგოლოგ ბიძინა კულუმბეგოვმა „მამების დროში“ ისაუბრა.
„მოვიდა დედა და შვილი – ბიჭი 17 წლის იყო. უკვე ოთხი შემთხვევა დაფიქსირდა, როდესაც ერთსა და იმავე საცხობში ნაყიდი ლობიანის მიღებიდან დაახლოებით ერთ საათში ანაფილაქსიური შოკი განვითარდა.
ჩაუტარდა ანალიზი, რომელიც 300 კომპონენტს მოიცავს, თუმცა ლობიოზე ალერგია არ გამოვლინდა. სამაგიეროდ, დრამატულად მაღალი მაჩვენებელი დაფიქსირდა მუხუდოსა და სოიოზე. მინი-გამოძიების შედეგად გაირკვა, რომ საცხობში ლობიოს მოცულობის გაზრდის მიზნით მასში სოიოს ამატებენ. ალერგიის მთავარი არსი ეს არის – ასეთი ფრაზაც კი მაქვს: დაეხმარე ექიმს, რომ ექიმმა დაგეხმაროს შენ“, – ამბობს ბიძინა კულუმბეგოვი.