ირანის საელჩოსთან, სადაც აქცია მიმდინარეობს, ერთი ადამიანი დააკავეს.
აქციის მონაწილე სამართალდამცველებმა მას შემდეგ დააკავეს, რაც პოლიციის მოთხოვნის მიუხედავად, რომ გზის სავალი ნაწილიდან გადასულიყო და პროტესტი ტროტუარზე განეგრძო, ის საავტომობილო გზიდან არ გადავიდა.
ირანის საელჩოსთან აქცია ერთ საათზე მეტია მიმდინარეობს.
ადგილზე შეკრებილი არიან საქართველოსა და ირანის მოქალაქეები.
ისინი სოლიდარობას უცხადებენ ირანში მიმდინარე პროტესტს და ხელისუფლების მიერ აქციის მონაწილეების მიმართ გამოვლენილ ძალადობრივ ქმედებებს აპროტესტებენ.