ამერიკის შეერთებული შტატების პრეზიდენტი, ჯო ბაიდენი გმობს რუსეთს “არაპროვოცირებული და გაუმართლებელი” თავდასხმისთვის უკრაინაზე და აცხადებს რომ მსოფლიო რუსეთს პასუხს აგებინებს.
მისივე განცხადებით, ხუთშაბათს, დიდი შვიდეულის ქვეყნების ლიდერებთან შეხვედრის შემდეგ, ის ამერიკელ ხალხს სიტყვით მიმართავს. მოსალოდნელია, რომ გამოცხადდება რუსეთის წინააღმდეგ სანქციათა ახალი რაუნდი.
“ამ ღამით მთელი მსოფლიო ლოცულობს უკრაინელ ხალხისთვის, რადგან ისინი განიცდიან უსაფუძვლო და გაუმართლებელ თავდასხმას რუსეთის სამხედრო ძალების მხრიდან.
პრეზიდენტმა პუტინმა აირჩია წინასწარ განზრახული ომი, რომელიც სიცოცხლის კატასტროფულ დანაკარგსა და ადამიანთა ტანჯვას მოიტანს.
მხოლოდ რუსეთია პასუხისმგებელი სიკვდილსა და ნგრევაზე, რომელსაც ეს შეტევა მოიტანს, აშშ და მოკავშირეები კი მას ერთიანი და გადამწყვეტი გზით უპასუხებენ”, – ნათქვამია ბაიდენის წერილობით განცხადებაში.
ბაიდენი დასძენს, რომ თეთრი სახლიდან დააკვირდება სიტუაციას და მიიღებს რეგულარულად განახლებას ინფორმაციას უსაფრთხოების გუნდისგან.
“ხვალ დილით შევხვდები ჩემს კოლეგებს დიდი შვიდეულიდან, შემდგომ კი მივმართავ ამერიკელ ხალხს, რათა გამოვაცხადო ის შედეგები, რომელთაც აშშ და პარტნიორები რუსეთს დააკისრებენ აგრესიის ამ უსარგებლო აქტის გამო უკრაინის, გლობალურ მშვიდობისა და უსაფრთხოების წინააღმდეგ”, – აცხადებს აშშ-ის პრეზიდენტი.
https://mix.metronome.ge/26091-2/
597 ნახვა
