ირანელი მომიტინგის, ერფან სოლტანის ნათესავის, თქმით, 26 წლის კაცის სიკვდილით დასჯა დღეს იგეგმება.
მას რეჟიმი ირანის დედაქალაქ თეირანის მახლობლად გამართულ საპროტესტო აქციებში მონაწილეობას ედავება.
მისმა ნათესავმა BBC Persian-თან საუბრისას აღნიშნა, რომ სოლტანი ხუთშაბათს დააკავეს- იმ დღეს, როდესაც ირანში საპროტესტო გამოსვლებმა პიკს მიაღწია.
„უკიდურესად დაჩქარებული პროცესის შედეგად, სულ რაღაც ორ დღეში, სასამართლომ სასიკვდილო განაჩენი გამოიტანა“, – განაცხადა ნათესავმა და დასძინა, რომ ოჯახს აცნობეს, რომ მისი დასჯა ოთხშაბათს, 14 იანვარს იგეგმებოდა.
ავიარ შეხიმ, ადამიანის უფლებადამცველი ორგანიზაცია „ჰენგაუდან“, განაცხადა,რომ მის ჯგუფს „არასდროს უნახავს საქმე, რომელიც ასე სწრაფად წარიმართებოდა“.
8 იანვარს დაკავებული და სიკვდილმისჯილი აქციის მონაწილე ერფან სოლტანი, ამჟამად კეზელ ჰესარის ციხეში იმყოფება.