მაღალმთიან აჭარაში თოვლის საფარი ერთ მეტრს აჭარბებს. სოფლების ნაწილს ელექტროენერგია არ მიეწოდება. აჭარის საავტომობილო გზების დეპარტამენტის განცხადებით, გაწმენდით სამუშაოებში 70 ერთეული სპეცტექნიკაა ჩართული, თუმცა სამუშაოებს დრო სჭირდება.
“აჭარის საავტომობილო გზების დეპარტამენტის 70 ერთეული სპეცტექნიკა მიმდინარე პერიოდში ახორციელებს თოვლის საფარისაგან გაწმენდით სამუშაოებს აჭარის მასშტაბით. თოვლის საფარი შეადგენს ერთ მეტრზე მეტს, შესაბამისად, სამუშაოების წარმოებას გარკვეული დრო დასჭირდება” [ტვ პირველი] – ამბობს გზების დეპარტამენტის წარმომადგენელი.