ხმაური და დაპირისპირებაა ამ წუთებში ათენის საერთაშორისო აეროპორტში – უამინდობის გამო, ათენი – ქუთაისის რეისი ჯერ გადაიდო, შემდეგ კი საერთოდ გაუქმდა.
მგზავრების უმეტესობა ემიგრანტები არიან, რომლებიც საქართველოში გამომგზავრებას საახალწლო დღეების გასატარებლად გეგმავდნენ.
აეროპორტში მათ ეუბნებიან, რომ ფრენა ქუთაისის მიმართულებით პირველ იანვრამდე ვერ შესრულდება.
მოსულები ვართ დილიდან, არ გაგვაფრთხილეს, გადადო, გადაიდოო, შემოგვიყვანეს აქ, მშიერ -მწყურვალნი, ახლა გვეუბნებიან, წადით სახლშიო, არსად არ მივყავართ, ჩარტერული რეისი დაამატონ და გადმოგვაფრინონ. ემიგრანტები ვართ, ვმუშაობთ, ქუჩაში ვყრივართ, ერთი არ გამოჩნდა, რომ გადმოგვაფრინონ და ჩვენ ქვეყანაში, ჩვენ შვილებთან ჩამოვიდეთ? ასე უჭირს საქართველოს, რომ ერთი ჩარტერული რეისი არაა ჩვენთვის. არც საელჩო გვეხმარება და არც არავინ, მოვიდა საელჩო ვითომ და წამოვიდა ისევ უკან, – ამბობს ერთ-ერთი ემიგნრატი.
მათი თქმით, ვიზიარმა შესთავაზა სამი დღით სასტუმროში გადაყვანა და 31 დეკემბრის რეისზე გაფრენა, თუმცა ათენის აეროპორტში შეკრებილები ამბობენ, რომ 31 -ის ბილეთები არ არსებობს და ყველა უკვე ამოყიდულია.
ემიგრანტებს სულ რაღაც 1 კვირით გვაძლევენ შვებულებას, 1 კვირის მერე მოცემული ვიზიარის ბილეთები ჩვენ არაფერში არ გვჭირდება. დღეს დანიშნოს ჩარტერული რეისი ვიზიარმა, არის ამის შესაძლებლობა, შეუძლებელს არაფერს ვითხოვთ, – ამბობს კიდევ ერთი ემიგრანტი.