“ნაციონალურ მოძრაობას და მასში აზელილ მედია სახეებს რომ ვუყურებ და ვუსმენ, როგორ აცხადებენ პანაცეად იმას, რის გამოც სხვას ნაგავს აყრიდნენ, მიშა სააკაშვილის ციტირება მინდება – “ჩასარეცხებზე”, – ამის შესახებ “ტაბულა”-ს დამფუძნებელმა, ჟურნალისტმა თამარ ჩერგოლეიშვილმა სოციალურ ქსელში დაწერა:
“ქართველი ხალხის კერპთაყვანისმცემელ ცხვრის ფარად წარმოჩენა, რომელიც ყველაფერს გადაყლაპავს, მთავარია ტელევიზორიდან დაუჯერებელი, ურთიერთგამომრიცხავი სიბრიყვეები ელაპარაკო – სამარცხვინოა. ეს მენტალიტეტი ჩასარეცხია!”, – დაწერა ჩერგოლეიშვილმა “ფეისბუქი”-ს პირად გვერდზე.
ჟურნალისტის აღნიშნულ შეფასებას სოციალური ქსელის მომხმარებელი შემდეგნაირად გამოხმაურა: – “დასანანია, რომ ეს ჩარეცხვა თქვენით დაიწყო”, რაზეც “ტაბულა”-ს ხელმძღვანელმა უპასუხა:
“ტაბულა”-ს მხოლოდ მზარდი სტატისტიკა აქვს და მოწინავეა ადგილობრივ ონლაინ მედიებში.
ხარჯის ეფექტურობით – პირველი ყველანაირ მედიებში, ძალიან ცოტა ფულით ვდებთ, ძალიან მაგარ შედეგს – ბენდუქიძემ მასწავლა. პარტიას რაც შეეხება – პარტიას 4 წელი უგულავა მართავდა – ეგ იყო გენერალური მდივანი, ეგ იყო მენეჯერი, მაგას ჰქონდა ნაკისრი ეგ ვალდებულება.
მე უგულავასთან მისი არასწორი მართვის გამო ისეთი კონფლიქტი მქონდა, გამარჯობას არ ვეუბნებოდი – 2018 წლიდან, მიშას იღლიაში თავჩარგული რომ დავინახე ჰელსინკიში დაახლოებით იმ პერიოდიდან!
პარტიის თანამედროვე, ცივილიზებულ მართვაზე გადასვლა დაიწყო უგულავას საზეიმო გა*მის შემდეგ, თვითმმართველობის არჩევნებში ავარიული დაშვების მომენტიდან – ანუ სულ რამდენიმე თვეა.
ასე რომ ჩემს ჩარეცხვაზე შეგიძლიათ იოცნებოთ, მაგრამ ფიზიკურად ვერ მოხდება – არ ჩანს ამის ნიშნები, ტაბულა მზარდია, სხვა ყველა გაყინული თავის კვადრატში.
ტაბულა მაგალითად მომყავს იმიტომ, რომ ტაბულა კონკრეტულ იდეებს განასახიერებს და ეს იდეები დღეს, ევროპულ საქართველოსთან ძალიან ახლოსაა.
ეს იდეები და ტაბულას სამუშაო ეთიკა და ასე შემდეგ, აუდიტორიის ნდობას იმსახურებს და მზარდია და წარმატებული.
ამიტომაა პროგნოზები ჩვენს გაქრობაზე ისეთივე სასაცილო, როგორიც ნაციონალური მოძრაობის პოლიტიკური საქმიანობა”, – დაწერა ჩერგოლეიშვილმა პოსტის კომენტარებში სოციალური ქსელის მომხმარებლის საპასუხოდ.