ჟურნალისტი ეკა კვესიტაძე სოციალურ ქსელში ტელეკომპანია “რუსთავი 2” – ის ახალ გადაცემას “ღამის პრაიმტაიმი” ეხმაურება, სადაც გუშინდელ ეთერში ვაქცინაციასთან დაკავშირებით მწვავე დებატები წარიმართა.
“ვინც გუშინ კვალიაშვილს უყურეთ, დღეს ჩემი გადაცემის გადახვევით და იულონ გაგოშიძის მოსმენით შეგიძლიათ ეგ სამარცხვინო ლაქა ჩამოირეცხოთ. პ.ს. პანდემიის დროს ასეთი გადაცემების, უფრო სწორად ცირკის კეთება არის ამაზრზენი საქციელი და დიდი ბოროტება. ასეთი მედიის “დამსახურებაცაა”, რომ დღეს 15 ათასზე მეტი გარდაცვლილი გვყავს”, – წერს კვესიტაძე “ფეისბუქი”-ს პირად გვერდზე.
ცნობისთვის, ეკა კვალიაშვილმა გადაცემაში განაცხადა, რომ ვირუსს მიზანმიმართულად, კერძოდ კი, თვითმფრინავების დახმარებით ავრცელებენ.
“ანტივაქსერობა ცოდვაა და ისჯება? ჯერ მე ვარ და მერე არსებობს რაღაცები. მე რეალისტი ვარ და არა ვაქცინის მოწინააღმდეგე.” – აღნიშნა მან.
მომღერალს გადაცემაში სოციალურ ქსელში გამოქვეყნებული პოსტი შეახსენეს, სადაც კვალიაშვილი წერდა, რომ თვითმფრინავებიდან ვირუსებს სპეციალურად ავრცელებენ.
“ვირუსებს 25 წელია თავზე აყრიან მთელ მსოფლიოს და ეს ჩემი მოგონილი არ არის, სამწუხაროდ ასეთი რამ ხდება.” – უპასუხა კვალიაშვილმა.
მომღერლის აღნიშნულ განცხადებას ნეიროქირურგი ედიშერ მაღალაშვილი გამოეხმაურა და აღნიშნა, რომ ეს ის სიტუაციაა, როცა სიტყვები არ ჰყოფნის. ცნობილი ექიმის კრიტიკამ ეკა კვალიაშვილი გააღიზიანა და მას შენიშვნა მისცა:
” სიტყვები შეარჩიე, როცა ელაპარაკები ქალბატონს და მითუმეტეს ჩემნაირ ქალბატონს” – თქვა მომღერალმა.