მწერალი ირაკლი კაკაბაძე სოციალურ ქსელში აქვეყნებს ვიდეოს, სადაც გუშინ, ტელეკომპანია “პირველი”-ს გადაცემაში “რეაქცია” უხმო ლექსი მიმიკითა და ჟესტური ენით წაიკითხა. როგორც კაკაბაძე “ფეისბუქი”-ს პირად გვერდზე წერს, ლექსი ვაქცინაციას ეძღვნებოდა.
“ჩემი ლექსი, რომელიც ვაქცინაციას ეძღვნება. მე თვითონ ვაქცინირებული ვარ და გადატანილიც მაქვს. ექიმების დიდი მოყვარული გახლავართ – მთელი ცხოვრებაა რაც ჩემი სიცოცხლე მათს ხელშია. მეცნიერების ოჯახში ვარ გაზრდილი და მეც ძალიან მიყვარს მეცნიერება. მიყვარს ხელოვნება – მაქვს ხელო ვნება. ინტუიტური საწყის გონებრივზე ნაკლებად არ მიმაჩნია. მეცნიერების დოგმად ქცევა – და ლოგო-ცენტრიზმის გაღმერთება, იგივენაირი უბედურებაა, როგორც თავის დროზე ინკვიზიცია იყო. მეცნიერების სახელით ადამიანების კონტროლის ქვეშ მოქცევა და დამუნათება – ეს მატერიალისტური აზრის დიქტატურაა. როგორც ბერგსონი და დიმიტრი უზნაძე ამბობდნენ – სრულფასოვანი ადამიანი მთლიანი ადამიანია, რომელსაც გრძნობაც გააჩნია და გონებაც. მარტო მეცნიერების გაღმერთებამ მოგვიტანა მეოცე საუკუნეში ორი ყველაზე უფრო დიდი უბედურება – ფაშიზმი (ევგენიკამ) და ბოლშევიზმი (დიალექტიკურმა მატერიალიზმმა). ესეც ჩემი უხმო ლექსი, რომელიც ალბათ ნახეთ კიდეც.
‘ლოგო-ცენტრიზმში არის დემონიც – და თქვენში მხოლოდ ანგელოსია’ – ტერენტის ჰანგებზედ. ი.კ”, – წერს კაკაბაძე “ფეისბუქი”-ს პირად გვერდზე.
იხილეთ ვიდეო:
https://www.facebook.com/chub1na.ge/videos/1118456518693554