საქართველოში ე.წ. მწვანე პასპორტის მოთხოვნის ვალდებულების გაუქმებას ჟურნალისტი ნანუკა ჟორჟოლიანი სოციალურ ქსელში შემდეგნაირად ეხმაურება:
“24 ათასი ახალი შემთხვევაა და ამათმა მწვანე პასპორტის მოთხოვნის ვალდებულება გააუქმეს. მთელი მთავრობა ანტივაქსერი პოპულისტები არიან”, – წერს ჟორჟოლიანი “ფეისბუქი”- ს პირად გვერდზე.
საქართველოში ე.წ. მწვანე პასპორტის მოთხოვნის ვალდებულება გაუქმების გადაწყვეტილება საკოორდინაციო საბჭომ მიიღო, რაც მსოფლიო პრაქტიკით ახსნეს. თუმცა აღრიცხვიანობის ყველა სისტემა კვლავ მოქმედი რჩება და ის პირები, რომლებსაც “მწვანე პასპოტი” საზღვარგარეთ გასამგზავრებლად სჭირდებათ, კვლავ ისარგებლებენ ამ მექანიზმით”, – განაცხადა უწყებათაშორის საკოორდინაციო საბჭოსთან არსებული ოპერაციული შტაბის უფროსმა გიორგი ღიბრაძემ.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის რეკომენდაციაა, “მწვანე პასპორტი” ბიზნესმა კვლავ მოითხოვოს.
ჯანდაცვის მინისტრის მოადგილე, თამარ გაბუნია ამბობს, რომ კორონავირუსის “ომიკრონის” შტამის გავრცელების პირობებში “მწვანე პასპორტი” არ იყო ინფიცირებისგან დაცვის გარანტი.