თბილისის 166-ე საჯარო სკოლის მშენებლობა დემონტაჟის დასრულებისთანავე დაიწყება და სავარაუდოდ 3 წელი დასჭირდება – ამის შესახებ ინფრასტრუქტურის მინისტრი აცხადებს. მისი თქმით, სკოლის მშენებლობისთვის ტენდერი წლის ბოლოს ან მომავალი წლის დასაწყისში გამოცხადდება.
„მშენებლობის ხარისხზე პასუხისმგებლობას პირადად ავიღებ. ჩვენი მთავარი პრიორიტეტია, ყველა სკოლა აშენდეს მაღალი სტანდარტით და უსაფრთხოების სრული დაცვით“ – თქვა რევაზ სოხაძემ იმედის ეთერში.
მესამე წელია წერეთლის გამზირზე, თბილისის 166-ე საჯარო სკოლის შენობა დაკეტილია. მოსწავლეები სხვადასხვა სკოლებში არიან გადანაწილებული. სკოლა ავარიულად წერეთლის გამზირის რეაბილიტაციის დროს, ფასადის დაზიანების შემდეგ გამოცხადდა.