იაპონიაში 7,5 მაგნიტუდის მიწისძვრის შედეგად, სულ მცირე, 30 ადამიანი დაშავდა, ათასობით ადამიანი იძულებული გახდა, საკუთარი სახლი დაეტოვებინა.
გავრცელებული ინფორმაციით, 90 ათას ადამიანს მიუვიდა ბრძანება ევაკუაციის შესახებ.
მიწისძვრის გამო შეჩერებულია მატარებლების მოძრაობა და ათასობით აბონიმენტი დარჩა ელექტროენერგიის გარეშე.
ქვეყნის ჩრდილო-აღმოსავლეთ რეგიონში, აომორის პრეფექტურაში დაფიქსირებული მიწისძვრის გამო გამოცხადებული ცუნამის საფრთხე გაუქმებულია.
ხელისუფლება მოსახლეობას ასევე მოუწოდებს, განსაკუთრებული სიფრთხილე გამოიჩინოს, სულ მცირე, ერთი კვირის განმავლობაში.