საქართველოს პარლამენტის ოთხი მოწვევის დეპუტატის კობა დავითაშვილის ვაჟმა, თორნიკე დავითაშვილმა გოგი გვახარიას პროექტში “შვილი” მისი ნათლიის, ექს-პრეზიდენტ მიხეილ სააკაშვილის შესახებ ისაუბრა, რომლის ინტერვიუ “რადიო თავისუფლების” გვერდზე გამოქვეყნდა.
თორნიკე დავითაშვილს ნათლიის გულწრფელობის არ სჯერა. ის ფიქრობს, რომ მიხეილ სააკაშვილი სანდო ადამიანი არ არის.
ნათლიას ნათლული სასჯელის მოხდას ურჩევს და აცხადებს, რომ ეს ნაბიჯი მისთვის ბოდიშის მოხდაზე მეტი იქნება.
“ნათლიაჩემი არის დიდი პოპულისტი, შესაბამისად, მას არ ვენდობი. სულ რომ ცრემლის წამოუვიდეს, საქმით თუ არ დაამტკიცა, რომ ნანობს, მისი სიტყვები ჩემთვის, ფურცელზე სიტყვებია, არ ვენდობი, არ არის სანდო ადამიანი.
აღიაროს საკუთარი დანაშაული, იქ სადაც მიუძღვის ბრალი და მოიხადოს სასჯელი ისე, როგორც იმსახურებს. გადასარევად იცის, რას იმსახურებს თვითონ. თავადაც იურისტია, განათლებაც აქვს და იცის, როცა ის აკეთებდა იმას, რასაც აკეთებდა, იმ შედეგებზე უნდა აიღოს პასუხისმგებლობა, ეს ჩემთვის ბოდიშის მოხდაზე მეტიც იქნება”, – ამბობს თორნიკე დავითაშვილი.
https://mix.metronome.ge/25541-2/