“კიდევ კარგი, წინა მთავრობას ატომური იარაღი არ შეუძენია, თორემ კობახიძე აუცილებლად გვესროდა” – ამის შესახებ არქიმანდრიტი დოროთე ყურაშვილი სოციალურ ქსელში განცხადებას ავრცელებს.
არქიმანდრიტის თქმით, იარაღის შეძენასა და სროლასაც ვანო მერაბიშვილს დააბარალებდა.
“კიდევ კარგი, წინა მთავრობას ატომური იარაღი არ შეუძენია, თორემ კობახიძე აუცილებლად გვესროდა და იტყოდა ვანოს ბრალიაო. ამან როგორ უნდა გააგრძელოს პრემიერობა ან საერთოდ საქართველოში ცხოვრება, ან ეს როგორ უნდა შეუშვათ ტაძარში. სად არის მოსაყდრე, ან ბოტკოველი, ჯაღმაიძე, ხალხი დაწამლეს და თქვენ ისევ დუმხართ და ჩემზე იყრით ჯავრს, დოროთემ არაკაცები გვიწოდაო. რა ვიცი, თუ ეს დუმილი კაცობაა, თუ ეს დუმილი მამობაა, მაშინ იყავით ღრმა მდუმარებაში” – წერს არქიმანდრიტი.
შეგახსენებთ, დღეს კობახიძემ განაცხადა, რომ “თუ ვინმეს პასუხისმგებლობა შეიძლება დადგეს თეორიულად ასეთ შემთხვევაში, ეს არის რა თქმა უნდა, ვანო მერაბიშვილი”.