„100 კაციდან 30 ვერ გააკეთებს ბავშვს,“ – ამის შესახებ “აკრედიტაცია საზღვრების გარეშე” პრეზიდენტმა, პროფესორმა გიორგი ფხაკაძემ “ჯორჯიან თაიმსის” გადაცემაში “ჩაი” განაცხადა.
პროფესორი განმარტავს, თუ რატომ არ უნდა გაიგივდეს კოვიდი და გრიპი ერთმანეთთან. ის კვლევებზე დაყრდნობით ამბობს, რომ ვირუსი ბავშვის გაჩენას მკვეთრად აფერხებს. მისივე თქმით, ვირუსი სპერმის ხარისხს აფუჭებს.
„სამწუხაროდ, ინფიცირებულ ადამიანებში სპერმის ხარისხი არის ძალიან დავარდნილი. აქ საუბარია დაახლოებით მამაკაცების 30 % -ზე. ეს ფაქტია, მეცნიერულ კვლევებზე დაყრდონიბილი, ეს არ არის ყვითელი პრესა.
კოვიდი არ არის გრიპი, გრიპის შემდეგ სპერმის ხარისხი არ ფუჭდება, ეს არის კონკრეტული კვლევები, 100 კაციდან 30 ვერ გააკეთებს ბავშვს, 70 გააკეთებს. დაიცავით თავი კოვიდისგან როგორც შეგიძლიათ.
ეს არის ძალიან დიდი პრობლემა, რომელსაც შეიძლება თან ახლდეს – სტრესი, დეპრესია და სუიციდიც. ეს ყველაფერი ერთმანეთზე მიბმულია… “, – განაცხადა გიორგი ფხაკაძემ მაკა რაზმაძესთან ინტერვიუში.
https://mix.metronome.ge/25444-2/