თბილისის მეტროში შშმ პირზე პოლიციელის მხრიდან განხორციელებულ ძალადობას საქართველოს პარლამენტის ვიცე-სპიკერი გიორგი ვოლსკი გამოეხმაურა. მან სასტიკი ძალადობის ფაქტთან დაკავშირებით ოპოზიციის წარმომადგენლების პროტესტს ყალბი უწოდა, თავად პოლიციელის ქმედებაზე კი აღნიშნა, რომ ის იმდენად შეუსაბამოა დღევანდელ პოლიციასთან, რომ განზრახ ჩადენის ეჭვს ბადებს:
“ესაა სექტა, რომელიც მხარს უჭერდა სახელმწიფო პოლიტიკის რანგში აყვანილ და გამოცხადებულ სადიზმს, რამაც შეიწირა სანდრო გირგვლიანი, ბუტა რობაქიძე, გიორგი გამცემლიძე, ის აჭარელი ბიჭები და არაერთი სხვა, სია გრძელია! პროტესტის პათოსი იმდენად ყალბია, ხოლო დანაშაული იმდენად თვალსაჩინო და სრულიად შეუსაბამოა დღევანდელი პოლიციის ხასიათთან, რომ განზრახ ჩადენის ეჭვსაც ბადებს,”– დაწერა გიორგი ვოლსკიმ სოციალურ ქსელში.
მმართველი გუნდის წარმომადგენლის აღნიშნულ განცხადებას, სამოქალაქო აქტივისტი გიგა მაქარაშვილი “ფეისბუქი”-ს პირად გვერდზე ეხმაურება:
“ვიფიქრე ახლა მაინც არ იკადრებენ და ნაცემ ბავშვს ნაციონალობას არ დააბრალებენ-მეთქი და აჰა, უარესი თქვეს…
პოლიციელები ყოფილან ნაცები“, – წერს მაქარაშვილი სოციალურ ქსელში.
https://mix.metronome.ge/25421-2/