სამხრეთ-აღმოსავლეთ აზიაში ძლიერი წვიმის შედეგად გამოწვეულ წყალდიდობასა და მეწყერს მსხვერპლი მოჰყვა. ბოლო მონაცემებით, ვიეტნამში კიდევ ერთი ადამიანი დაიღუპა, ტაილანდში კი – 5, ხოლო ათეულობით ათას ადამიანს სახლების დატოვება მოუწია.
გავრცელებული ცნობებით, ვიეტნამის ცენტრალურ რეგიონებში ერთი კვირის წინ დაწყებული ძლიერი წვიმისგან გამოწვეული მეწყრისა და წყალდიდობის შედეგად დაღუპულთა ჯამური რაოდენობა 91 ადამიანია, ხოლო დამატებით 11 დაკარგულად ითვლება.
წყალდიდობის შედეგად განადგურდა წლის მოსავალი და დაზიანდა ვიეტნამის ყავის მომყვანი მთავარი რეგიონი. ხოლო ერთ-ერთ პროვინციაში წყალდიდობისგან დაღუპულთა რიცხვმა 63-ს მიაღწია.
მიუხედავად იმისა, რომ წვიმა ამ დროისთვის შეწყდა, ვიეტნამის ამინდის სააგენტო მოსახლეობას მომდევნო დღეებში უფრო უარესი ამინდის შესახებ აფრთხილებს.