„შემაშფოთებელი სიგნალი და კიდევ ერთი დარტყმაა მედიის თავისუფლებაზე“ – ამალ და ჯორჯ კლუნების ფონდი მზია ამაღლობელის სააპელაციო სასამართლოს გადაწყვეტილებაზე

„შემაშფოთებელი სიგნალი და კიდევ ერთი დარტყმაა მედიის თავისუფლებაზე“ – ასე ეხმაურება უფლედამცველი ამალ კლუნისა და მსახიობი ჯორჯ კლუნის ფონდი ქუთაისის სააპელაციო სასამართლოს გადაწყვეტილებას, რომლის მიხედვითაც „ბათუმელებისა“ და „ნეტგაზეთის“ დამფუძნებლის, მზია ამაღლობელის განაჩენი ძალაში დარჩა.

„როდესაც მისი საქმე უზენაეს სასამართლოში გადადის, #TrialWatch მომდევნო კვირებში გამოაქვეყნებს სამართლიანობის ანგარიშს, რომელიც შეაფასებს მის წინააღმდეგ წარმოებული სასამართლო პროცესის სამართლიანობას. თავისუფლება მზიას!“, – წერს ფონდი.