ზუსტად იგივე ციხეში უნდა დაბრუნდეს, თვითონ როგორიც ჰქონდა. არა დღევანდელში, რომელიც სანატორიუმს უფრო ჰგავს ვიდრე ციხეს, – წერს გიორგი გამსახურდია, მიხეილ სააკაშვილის შესახებ, რომელიც, პენიტენციური სამსახურის ცნობით, “ვივამედიდან” საპატიმროში დააბრუნეს.
მისივე განცხადებით, სააკაშვილმა ციხეში იმის მეასედი უნდა გამოცადოს საკუთარ ტყავზე, რაც გიორგი გამსახურდიას ძმამ, ცოტნე გამსახურდიამ გამოიარა.
“ზუსტად იგივე ციხეში უნდა დაბრუნდეს, თვითონ როგორიც ჰქონდა. არა დღევანდელში, რომელიც სანატორიუმს უფრო ჰგავს ვიდრე ციხეს. ისიც ხშირად უნდა გაახსენო და საკუთარ ტყავზე გამოაცდევინო, თვითონ როგორც ექცეოდა პატიმრებს და მათ ახლობლებს. პირადად ცოტნეს მაგალითზე ვიტყოდი, რაც ცოტნემ გამოიარა, იმის მეასედი უნდა აჩვენო ამ არაკაცს და საკუთარი ქვეყნის გამყიდველს. P.S. ისე, მე თუ მკითხავთ, გაცილებით ადრე იყო გადასაყვანი ეს არარაობა.” – წერს გამსახურდია X-ზე.
ცნობისთვის, მიხეილ სააკაშვილი ციხეში დააბრუნეს. ამის შესახებ ინფორმაციას სპეციალური პენიტენციური სამსახური ავრცელებს.განცხადების მიხედვით საქართველოს მესამე პრეზიდენტს აღარ ესაჭიროება სტაციონარული მკურნალობა. ის მკურნალი ექიმის გადაწყვეტილების საფუძველზე საავადმყოფოდან N12 პენიტენციურ დაწესებულებაში დააბრუნეს, სადაც საერთო წესით გააგრძელებს სასჯელის მოხდას.