ჯანსუღ ჩარკვიანის შვილიშვილი პოლიციას ჩაბარდა – ჯაკო ჩარკვიანი ცოტა ხნის წინ თავისი ფეხით მივიდა პოლიციაში. ამის შესახებ ინფორმაცია “პირველებს” თაკო ჩარკვიანმა დაუდასტურა.
გამოძიების ცნობით, ის იმ თავდამსხმელებს შორის იყო, რომელებიც თბილისში, ხილიანზე მდებარე სუპერმარკეტ “სპარში” “ქართული ოცნების” მხარდამჭერის, მანჩო გიორგობიანის თხოვნით მივიდა და 19 და 21 წლის კონსულტანტებს ფიზიკურად გაუსწორდა.
თავდასხმის ორგანიზების ბრალდებით უკვე დაკავებულია მანჩო გიორგობიანი. მას 9 წლამდე პატიმრობა ემუქრება.