ბრძოლა არ დასრულებულა, ყველა, ვინც ჩვენს წინააღმდეგ ხელს აღმართავს, აგრესიისთვის ძალიან დიდ ფასს გადაიხდის, მტკიცედ გვაქვს გადაწყვეტილი, მივაღწიოთ გამარჯვებას – ამის შესახებ ისრაელის პრემიერ-მინისტრმა, ბენიამინ ნეთანიაჰუმ 7 ოქტომბრის ხსოვნის დღისადმი მიძღვნილ სახელმწიფო ცერემონიაზე განაცხადა.
“ბრძოლა არ დასრულებულა. თუმცა, ერთი რამ დღეს ცხადია: ყველამ, ვინც ჩვენს წინააღმდეგ ხელს აღმართავს, უკვე იცის, რომ თავისი აგრესიისთვის ძალიან დიდ ფასს გადაიხდის. ჩვენ მტკიცედ გვაქვს გადაწყვეტილი, მივაღწიოთ გამარჯვებას, რომელიც ჩვენი ცხოვრების წესრიგს მრავალი წლის განმავლობაში განსაზღვრავს. ამ მკვლელებს მეტის გაკეთება რომ შეეძლოთ, ყველას გაგვანადგურებდნენ. ეს ნამდვილი გენოციდია. მაგრამ ჩვენმა მტრებმა ერთი რამ არ გათვალეს: ჩვენში არსებული ძალა. ჩვენ ერთიანად ავდექით ფეხზე. ბრძოლის ფოკუსი მტრის ტერიტორიაზე გადავიტანეთ; მას გამანადგურებელი დარტყმები მივაყენეთ. 7 ოქტომბერს ტირილის ხეობიდან ჰერმონის მთას და თეირანის ცას მივაღწიეთ, [და] მძევლების ოჯახების გულისამაჩუყებელ ჩახუტებას მათ საყვარელ ადამიანებთან“ – განაცხადა ბენიამინ ნეთანიაჰუმ.