უახლოეს ამინდის პროგნოზთან დაკავშირებით, “მეტრონომი” მეტეოროლოგ კობა ფარტენაძეს დაუკავშირდა.
“დასავლეთსა და აღმოსავლეთში 17 და 18 ოქტომბერს მოსალოდნელია 20-22 გრადუსამდე ტემპერატურა, ხოლო 19 ოქტომბერს ტემპერატურა 24 გრადუსამდე აიწევს. აღმოსავლეთ საქართველოში მომდევნო დღეების განმავლობაში ღამის საათებში მოსალოდნელია წვიმა, ხოლო დასავლეთში უნალექო და მზიანი დღეები გაგრძელდება. პარალელურად იქროლებს სუსტი აღმოსავლეთის ქარი დასავლეთ საქართველოში. აღმოსავლეთ საქართველოში კი მოსალოდნელია ცვალებადი მიმართულებით ქარი. 20 ოქტომბერს დასავლეთსა და აღმოსავლეთში მოსალოდნელია ერთ დღიანი დაავდრება და პერიოდულად წვიმა ელჭექით. 21 ოქტომბრიდან კი ისევ გამოიდარებს და დათბება”, – განაცხადა კობა ფარტენაძემ “მეტრონომთან”.