სოციალურ ქსელში მაღაზია “2 ნაბიჯის” კამერების ვიდეომასალა ვრცელდება, სადაც ჩანს, თუ როგორ ძალადობს ხატია ვიბლიანი არასრულწლოვანზე. ვიდეომასალას თათია მაისურაძე ავრცელებს.
როგორც მოქალაქე წერს, არასრულწლოვანი მას მოუწოდებს შეწყვიტოს კამათი და დატოვოს მაღაზია, რის შემდეგაც ბრალდებული მაღაზიაშივე უსწორდება მას ფიზიკურად.
გარდა ამისა, ხატია ვიბლიანი შეგნებულად ელოდება არასრულწლოვანს მაღაზიის გარეთ და პირველი შესაძლებლობისთანავე აგრძელებს მასზე ფიზიკურ, სასტიკ ძალადობას.
შეგახსენებთ, რომ ძალადობის ამსახველი კადრები, სადაც ჩანდა, თუ როგორ უსწორდებოდა მკლავჭიდელი ხატია ვიბლიანი არასრულწლოვანს მაღაზიის გარეთ, 11 სექტემბერს გავრცელდა.
16 სექტემბერს ხატია ვიბლიანს ბრალდება წარედგინა.
14 წლის მოზარდის მიმართ განხორციელებულ ძალადობაში ბრალდებულ მკლავჭიდელს აღკვეთის ღონისძიების სახით 3 000-ლარიანი გირაო შეეფარდა.