კასპში კაცმა ყოფილი ცოლი დაწვა, სხეულის სხვადასხვა არეში ჭრილობები მიაყენა და ადგილიდან მიიმალა.
როგორც თვითმხილველები “ტვ პირველთან” საუბრობენ, ახალგაზრდა ქალს გარდა დამწვრობისა, ბეჭებში ჰქონდა მიყენებული რამდენიმე დაზიანება.
“მაშხალასავით უსვრია ბოლოს და ეგრევე ცეცხლი წაკიდებია, რომ გამორბოდა ეს გოგო არ ვიცოდით რა გვექნა, ბოლოს დიდი ადიელა ჩამოვაგდე და გადავაფარე, მეზობელმა მერე ხალიჩაც გადააფარა, ვერ ვაქრობდით ცეცხლს, ასე 5 წუთი გოგო იწვოდა და ცეცხლს ვერ ვაქრობდით, სახე სულ დამწვარი ჰქონდა, თმა, ბეჭებში ორგან დანით იყო დაჭრილი. გაცილებულები იყვნენ, მაგრამ სცემდა, ეჭვიანობდა, ხშირად ჩხუბობდნენ. ახლაც დედა ყოფილა სახლში ამ გოგოსი და იმის თვალწინ გაუკეთებია”, – ამბობენ ადგილობრივები “ტვ პირველთან”.
ქალი ხეჩინაშვილის დამწვრობის ცენტრშია გადაყვანილი და მისი მდგომარეობა მძიმეა.