“ისევ ველოდებით უხვ ნალექს, თუმცა ზუსტი თარიღის თქმა არ შეგვიძლია” – ამის შესახებ “მეტრონომს” “საქართველოს მწვანეთა მოძრაობა / დედამიწის მეგობრები“ თავმჯდომარემ, ნინო ჩხობაძემ განუცხადა.
“შტორმი იყო და საკმაოდ დიდი ნალექი. მდინარეები იყო გაუწმენდავი და წამოიღო ყველაფერი. ჩვენი ვარაუდით, სწორედ ამან განაპირობა ზღვის ის ფერი. ეკოლოგიურ კატასტროფას ამ მოვლენას ნუ დავარქმევთ. ჯერჯერობით, ამასთან არ გვაქვს საქმე. აშკარად ეტყობა, რომ ეს მდინარეებიდან ჩამოტანილი მასალაა.
რა თქმა უნდა, უნდა ველოდოთ ისევ მსგავს პროცესებს, იმიტომ რომ კლიმატის ცვლილება არის და ვიცით, რომ ის წყლის რაოდენობა და ნალექი ერთ დღეში შეიძლება მოვიდეს, რა ნალექიც არის კვარტალურად დაფიქსირებული წინა წლებში. ძალიან უხვი წვიმები იყო, რამაც აადიდა ფაქტობრივად ყველა მდინარე, რომელიც აჭარაშია. ისევ ველოდებით უხვ ნალექს, თუმცა ზუსტი თარიღის თქმა არ შეგვიძლია” – აღნიშნა მან.