მაჭახელას ხეობაში ადიდებულმა მდინარემ საავტომობილო გზის ნაწილი დააზიანა. ამ დროისთვის მხოლოდ ცალმხრივად არის შესაძლებელი გადაადგილება. განცხადებას ხელვაჩაურის მუნიციპალიტეტის მერია ავრცელებს.
“ამინდის მკვეთრი გაუარესების შედეგად, მდინარე მაჭახელა ადიდდა და გადმოვიდა კალაპოტიდან. დაზიანდა ახლომდებარე სარესტორნო ინფრასტრუქტურა და დატბორილია რამდენიმე საცხოვრებელი სახლი. ამ ეტაპზე მოსახლეობას საფრთხე არ ემუქრება.
ხელვაჩაურის მერიის შესაბამისი სამსახურების წარმომადგენლები ადგილზე იმყოფებიან. ინტენსიურად მიმდინარეობს გაწმენდითი სამუშაოები” – წერს მერია.