საქართველოში მოსალოდნელი ამინდის შესახებ “მეტრონომი” მეტეოროლოგ კობა ფარტენაძეს დაუკავშირდა. მან ჩვენთან საუბრისას აღნიშნა, რომ 22 სექტემბრიდან ამინდი შედარებით დასტაბილურდება.
“ეს დღეები არასტაბილურია, თუმცა დასავლეთ საქართველოში დღის მანძილზე მაინც უნალექო ამინდები იქნება.
22 სექტემბრიდან აღმოსავლეთ საქართველოში დაიწყება გამოდარება. სრული მზიანი დღეები არ იქნება, თუმცა დღის უმეტესი ნაწილი თბილისშიც იქნება უნალექო. სექტემბრის შუა რიცხვებისთვის დამახასიათებელი ხანმოკლე წვიმაა მოსალოდნელი, მაგრამ არა ძლიერი” – განაცხადა მან.