ზურაბ ზვიადაურის საქმის პროკურორის, ირაკლი ყვავაძის გაცნხადებით, “ოცნების” ყოფილი დეპუტატის ავტომანქანის ჩხრეკის შედეგად ამოღებულია 2 ცეცხლსასროლი იარაღიდან ერთი გაფორმებული არ იყო.
კითვაზე, თუ ვის სახელზე იყო რეგისტრირებული აღნიშნული იარაღი, პროკურორი ამბობს, რომ “ამ ეტაპზე უცნობია”
ბრალდებულის ავტომანქანის ჩხრეკის შედეგად ამოღებულ იქნა 2 ცეცხლსასროლი იარაღი. ერთი იარაღი იყო გაფორმებული, მეორე – არა. ექსპერტიზის დასკვნით ვიცით, რომ ეს იარაღი არ არის გაფორმებული ზურაბ ზვიადაურის სახელზე“, – განაცხადა პროკურორმა.
პროკურორის განცხადებით, პოლიციამ ავტომობილი შემოწმების მიზნით გააჩერა, რის შემდეგაც ზვიადაურმა თავად მიუთითა, რომ მანქანაში შესაძლოა იარაღი ყოფილიყო. სწორედ ამის შემდეგ ჩატარდა ჩხრეკა. ყვავაძის თქმით, პოლიციას წინასწარ ინფორმაცია იარაღის შესახებ არ ჰქონია.
ჟურნალისტების დამაზუსტებელ კითხვაზე, თავად ზურაბ ზვიადაურმა უთხრა პოლიციას იმის შესახებ, რომ მანქანაში ცეცხლსასროლი იარაღია, პროკურორი ასე პასუხობს:
„შესაძლებელია დაუჯერებელი იყოს, თუმცა გამოძიების დადგენილია გარემოება, რომ მას შემდეგ რაც ეკიპაჟისთვის ბრალდებულის მხრიდან ცნობილი გახდა, რომ შესაძლებელია მანქანაში ცეცხლსასროლი იარაღი ყოფილიყო, ამის შემდგომ ჩატარდა ჩხრეკა. შესაბამისად, წინასწარ განზრახვა და დადგენილი ინფორმაცია მათ არ ჰქონიათ“, – განაცხადა პროკურორმა.
ცნობისთვის, ზურაბ ზვიადაური სამართალდამცავებმა 2025 წლის 16 სექტემბერს დააკავეს.
საქართველოს პროკურატურამ ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა და ტარების ფაქტებზე ოლიმპიურ ჩემპიონს, ზურაბ ზვიადაურს ბრალდება 236-ე მუხლის მესამე და მეოთხე ნაწილით წარუდგინა.
მუხლი 4-იდან 7 წლამდე პატიმრობას ითვალისწინებს.