“ჯგუფური თავდასხმა არ ყოფილა შემთხვევითი და მას მიზანმიმართული პროვოკაციის სახე ჰქონდა”, – ამის შესახებ აქტივისტებმა საზმაუსთან გამართულ საგანგებო ბრიფინგზე განაცხადეს, როთიც ბესიკის ქუჩაზე მშვიდობიან მოქალაქეებზე შეიარაღებულ თავდასხმას გამოეხმაურა.
მათი თქმით, ინციდენტი „სამთავრობო პროპაგანდის ლოგიკური გაგრძელებაა“, რასაც „პოლიციის უმოქმედობაც“ ადასტურებს.
„ფიზიკური საფრთხე დღითიდღე მატულობს და სრულ პასუხისმგებლობას ე.წ. ხელისუფლებას ვაკისრებთ,“ – აღნიშნეს აქტივისტებმა.
ეს ჯგუფური თავდასხმა არ ყოფილა შემთხვევითი და მას მიზანმიმართული პროვოკაციის სახე ჰქონდა. მეტიც, მას ჩვენს საწინააღმდეგოდ აგორებული სამთავრობო პროპაგანდის ლოგიკურ გაგრძელებად მივიჩნევთ, რაზეც კიდევ ერთხელ მიგვანიშნებს პოლიციის უმოქმედობა. მოძალადეების დაუსჯელობის სინდრომი თუ თავად სამთავრობო მედიებისა და მათთან ასოცირებული არხების მიერ წარმოებული პროპაგანდა. ფიზიკური საფრთხე დღითიდღე მატულობს, რაზეც სრულ პასუხისმგებლობას ე.წ. მთავრობას ვაკისრებთ, – განაცხადეს აქტივისტებმა ბრიფინგზე.
ცნობისტვის, გუშინ, 15 სექტემბერს, ბესიკის ქუჩაზე მშვიდობიან მოქალაქეებს დაუპირისპირდნენ. საზოგადოებრივი მაუწყებლის შენობიდან წამოსული მარშის მონაწილეები ამბობენ, რომ მათ რამდენიმე ადამიანი დაესხათ თავს, ჯერ სიტყვიერი შეურაცხყოფა მიაყენეს, რაც შემდეგ ფიზიკურ დაპირისპირებაში გადაიზარდა.