ოქროს მოწმე, რომელმაც ლევან ჯანგველაძესთან ერთად სიცოცხლის ბოლო წუთები გაატარა, დღეს სასამართლომ პირველად დაკითხა. კანონიერი ქურდის მოკლული ძმის მეგობარი ვერ ამბობს, როგორ გახმაურდა საქართველოში ლევან ჯანგველაძის საქართველოში ჩამოსვლა. კახაბერ ძანძავა, ის კაცია ვისთან ერთადაც დატოვა ლევან ჯანგველაძემ კორპუსი, სადაც პანაშვიდი იყო, ის ადგილიდან სროლის დრო გაიქცა. დღეს, ძანძავა მოსამართლეს უყვებოდა, რომ პირად დაცვასთან ჯანგველაძე კავშირზე რაციით უნდა გასულიყო, თუმცა რაცია ჩადუნელი მანქანაში, რამდენიმე მეტრის დაშორებით დატოვა და საბედისწერო გასროლამდე არც რაცია გამოუყენებია.
დღეს კახაბერ ძანძავას დაკითხვის დროს გაირკვა რა კომუნიკაცია შედგა ლევან ჯანგველაძეს და ქილერს შორის ანგარიშსწორებამდე რამდენიმე წუთით ადრე. საქართველოში სამძიმარზე ჩამოსულმა ლევან ჯანგველაძემ უძილაურს, რომელიც ჭავჭავაძეზე მას ჩასაფრებას უწყობდა ჰკითხა, სად მიმდინარეობდა პანაშვიდი.
სასამართლოში უნდა მოიყვანონ საქმის კიდევ ერთი ოქროს მოწმე მიხეილ ბერძენიშვილი. ის ლევან ჯანგველაძის ნათესავია და მოკლული ბიზნესმენის საქმიანობაზე ბევრი იცის. შეკვეთილი მკვლელობის საქმეზე სწორედ ბერძენიშვილის ჩვენებაში გაჩნდა პირველად ოთარ ფარცხალაძის სახელი და გვარი. ლევან ჯანგველაძის უახლოესმა გარემოცვამ იცის, რომ საქართველოს ყოფილ გენერალურ პროკურორს ფარცხალაძესთან მეგობრული ურთიერთობა ჰქონდა სანამ ბიზნესსაქმიანობის გამო ვითარება შეიცვლებოდა.
დღეს, სახელმწიფო ბრალდებამ ლევან ჯანგველაძის შეკვეთილი მკვლელობის საქმეზე 11 მოწმე დაკითხა. მათ შორის იყვნენ ტაქსის მძღოლები, ვინც უძილაურს მკვლელობამდე რამდენიმე საათით ადრე შეხვდნენ – მოგვიანებით კი სავარაუდო დამნაშავე ამოიცნეს. ჩვენება მისცეს ექსპერტ კრიმინალისტებმაც, ვინც ჭავჭავაძის გამზირზე მკვლელობის ადგილი დაათვალიერა და ნივთმტკიცებები ამოიღო.