თბილისში, მელიქიშვილის გამზირზე, კახა კალაძის საარჩევნო შტაბთან საპროტესტო აქცია მიმდინარეობს.
მოქალაეებმა დღეს შეკრება გადაწყვიტეს მას შემდეგ, რაც გუშინ “ოცნების” წარმომადგენლებმა აქციის მონაწილეებს სიტყვიერი და ფიზიკური შეურაცხყოფა მიაყენეს.
“თქვენი წასვლის დროა, მოემზადეთ, ხალხის მასობრივი გამოსვლები იქნება ყოველდღიურად, მოგიწოდებთ, არცერთი დღე არ ჩააგდოთ, ამ ოფისს არ უნდა მივცეთ მუშაობის საშუალება, საიდან მოაქვთ არჩევნებისთვის ხელშეშლა, ვერავინ ხელს ვერ შეგვიშლის, ჩვენ გვაქვს უფლება, მოვიდეთ აქ და ყოველდღე ჩვენი აზრი დავაფიქსიროთ, არავის ხელს არ ვუშლით, შევიდნენ და იმუშაონ იქ”, – განაცხადა სინდისის პატიმრის, ზვიად ცეცხლაძის მამამ, ზურაბ ცეცხლაძემ საპროტესტო აქციაზე.
შეგახსენებთ, 8 სექტემბერს შტაბთან ფიზიკური დაპირისპირებისას აქციის ათზე მეტი მონაწილე დაშავდა, მათ შორის ჟურნალისტებიც. ოპოზიციის თქმით, ისინი „ქართული ოცნების“ ახალგაზრდული ფრთის წევრებმა სცემეს.
