მელიქიშვილის გამზირზე გამართულ აქციაზე ფიზიკურად უნგრელი ჟურნალისტი დაშავდა.
ცოტა ხნის წინ კახა კალაძის შტაბთან “ქართული ოცნების” წარმომადგენლები აქციის მონაწილეებს ფიზიკურად გაუსწორდნენ.
კალაძის საარჩევნო შტაბთან ვითარება მას შემდეგ დაიძაბა, რაც ადგილზე საპროტესტო აქციის მონაწილეები გამოჩნდნენ, რასაც „ქართული ოცნების“ ახალგაზრდული ფრთის წარმომადგენლებთან ჯერ სიტყვიერი, შემდეგ კი ფიზიკური დაპირისპირება მოჰყვა.
აქციის მონაწილეების თქმით, “ოცნების” წარმომადგენლებს სხვადასხვა სახის საგნები, მათ შორის რეზინის ხელკეტები ეჭირათ და ასევე ისროდნენ რკინის ბარიკადებს.
ამასთან, შინაგან საქმეთა სამინისტრო მელიქიშვილის გამზირზე მიმდინარე მოვლენებთან დაკავშირებით, განცხადებას ავრცელებს და აქციის მონაწილეებს აფრთხილებს.
ამ დროისთვის, ვითარება განმუხტულია, მელიქიშვილის გამზირზე საავტომობილო მოძრაობა აღდგა. ადგილზე რჩებიან სამართალდამცველები.