„პუბლიკას” ინფორმაციით, ყოფილი პოლიციელი, ირაკლი მუხათდგვერდელი ბრალს აღიარებს და საპროცესო შეთანხმების მოლოდინშია.
ყოფილ პოლიციელს გამოძიება ედავება, რომ ის 24 მაისს, თბილისში, გადაადგილდებოდა ავტომანქანით, რა დროსაც ცეცხლსასროლი იარაღიდან საპირისპირო ზოლის მიმართულებით რამდენჯერმე გაისროლა.
მისთვის წარდგენილი მუხლი 4-დან 7 წლამდე თავისუფლების აღკვეთას ითვალისწინებს. დღევანდელ პროცესზე აღინიშნა ისიც, რომ მას საპროცესოს გაფორმება არასაპატიმრო სასჯელზე სურს.
ცნობისთვის, ირაკლი მუხადგვერდელი აქციების დროს ნარკოდანაშაულის ბრალდებით დაკავებულ ანასტასია ზინოვკინას საქმეში ფიგურირებს, ზინოვკინა მას ნარკოტიკების ჩადებაში თანამონაწილეობასა და გაუპატიურების მუქარაში სდებს ბრალს.