საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით ოზურგეთი-შემოქმედი-ბჟუჟჰესი-გომისმთას გზის 29-ე კილომეტრზე კლდოვანი მასის ჩამოშლის შედეგად ავტოტრანსპორტის მოძრაობა დროებით შეიზღუდა.
„კლდოვანი მასის ჩამოშლის შედეგად, ჩაიკეტა გზის სავალი ნაწილი. შესაბამისი სამუშაოების გატარებამდე, აღნიშნულ მონაკვეთზე დროებით იზღუდება ყველა სახის ავტოტრანსპორტის მოძრაობა“, – ნათქვამია საავტომობილო გზების დეპარტამენტის გავრცელებულ ინფორმაციაში.