“საქართველო აღარავის დაემონება, მათ შორის არც რუსეთს“-აქტივისტებმა ბარათაშვილის ხიდზე საპროტესტო ბანერი გადმოფინეს.
მანამდე მათ სამართალდამცველები ბანერის გადმოფენის საშუალებას არ აძლევდნენ, თუმცა, ბოლოს მაინც მოახერხეს.
როგორც იდეის ერთ-ერთი ავტორი ამბობს, უკვე მესამედ ცდილობენ აღნიშნული ბანერი გადმოფინონ, თუმცა, ყველა ჯერზე წინააღმდეგობა ხვდებათ.
ხელისუფლების ბოლო განცხადებებს, რასაც ვადევნებთ თვალს, მართლა სირცხვილის განცდას გვიტოვებს. გვრცხვენია რომ სწორედ ისინი წარმოადგენენ ჩვენს ქვეყანას. სწორედ ამიტომ, თითოეული ჩვენგანის აქტივობა განსაკუთრებით მნიშვნელოვანია. თუ ვინმე ჩვენი ქვეყნის დამონებას ცდილობს, ეს რუსეთია. ამისთვის კი ჩვენს ხელისუფლებას იყენებს და ყველაზე სევდიანი სწორედ ესაა. მესამედ ვკიდებთ ამ ბანერს,სულ უნდა ეკიდოს და ხაზგასმა სულ უნდა ხდებოდეს, რომ მართლა არავის დავემონებით. ამას რუსეთი ცდილობს, ბოლო 200 წელია, ჩვენ საზოგადოებას გვიწევს ამის მტკიცება და ერთად დგომა, რომ რუსეთს ხმამაღლა ვუთხრათ, ვერ გადაგვტეხენ, ქართველები შეშინებულები არ არიან და არ დანებდებიან, ჩვენ ვაგრძელებთ ბრძოლას და არავის დავემონებით, – განაცხადა მან.