ბიზნესმენ პაპაშვილის მტკიცებით, “ჩირინადან” შესყიდულმა სკინტლმა, რომელსაც ის ძროხებს აჭმევდა, პირუტყვი დაუხოცა და 5 მილიონამდე ზარალი მიადგა. საქალაქო სასამართლომ პაპაშვილს საჩივარ სრულად დაუკმაყოფილა. “ჩირინამ” გადაწყვეტილება სააპელაციოში გაასაჩივრა.
“ჩვენ ზარალი არ მიგვიყენებია, ძროხების სიკვდილში წვლილი არ მიგვიძღვის” – ამბობს “ჩირინას” დამფუძნებელი რევაზ ვაშაკიძე.
კომპანიამ ლაშა პაპაშვილს 5 მილიონის ნაცვლად, მილიონ 600 000 ლარი უნდა გადაუხადოს. კოლეგიის გადაწყვეტილებით, გაუქმებულია პირველი ინსტანციის სასამართლოს გადაწყვეტილების ის ნაწილი, რომლითაც პაპაშვილი ჩირინას ნაკელით გამოკვებილი ძროხების დახოცვის გამო, მიუღებელი შემოსავლის კომპენსაციასაც ითხოვდა. ჩირინა ამ გადაწყვეტილებას უზენაეს სასამართლოში გაასაჩივრებს.