ბათუმის ინფექციური ცენტრი სოციალურ ქსელში სამწუხარო ინფორმაციას ავრცელებს.
„ბათუმის ინფექციური ცენტრი ღრმა მწუხარებით იუწყება, რომ გარდაიცვალა ცენტრის ექიმი ლაბორანტი ნაირა ხალვაში.
ქალბატონი ნაირა მრავალი წლის განმავლობაში მუშაობდა ჩვენს ცენტრში. ის გამოირჩეოდა პროფესიონალიზმით, პასუხისმგებლობით და თავისი საქმისადმი განსაკუთრებული სიყვარულით.
გულწრფელ სამძიმარს ვუცხადებთ ოჯახის წევრებს, კოლეგებსა და ყველა ახლობელს. ქალბატონი ნაირას სახელი სამუდამოდ დარჩება ჩვენს გულებში“, – ნათქვამია სამძიმრის ტექსტში.