თბილისში მზია ამაღლობელის და ნინო დათაშვილის მხარდასაჭერი მსვლელობა იმართება.
აქციის – “ვერ დააბრუნებთ საბჭოთა ტერორს!” მონაწილეები ამ წუთებში ფილარმონიასთან იკრიბებიან. ქციის მონაწილეები მარშით რუსთაველის გამზირისკენ მიდიან.
მსვლელობის მონაწილეები სკანდირებენ „თავისუფლება მზიას, თავისუფლება ნინო დათაშვილს, თავისუფლება სინდისის პატიმრებს!“.
როგორც ცნობილია, მოსამართლე, ნინო სახელაშვილი „ბათუმელებისა“ და „ნეტგაზეთის“ დამფუძნებლის მზია ამაღლობელის სისხლის სამართლის საქმეზე გადაწყვეტილებას 6 აგვისტოს, 14:00 საათზე გამოაცხადებს.
რას შეეხება ნინო დათაშვილს, მისი უფლებადამცველის, თამარ გაბოძის განცხადებით, დათაშვილი სასამართლოს განჩინების საფუძველზე ფსიქიატრიული ექსპერტიზისთვის შესაბამის დაწესებულებაში სავარაუდოდ, 6 აგვისტოს გადაიყვანენ.
იხილეთ “ტაბულას” კოლაჟი.
