რუსეთში, კამჩატკის ნახევარკუნძულზე მდებარე კლიუჩევსკოის ვულკანმა, მომხდარი მიწისძვრის შემდეგ, ამოფრქვევა დაიწყო. ამის შესახებ ინფორმაციას Newsweek-ი ავრცელებს.
რუსეთის მეცნიერებათა აკადემიის გეოფიზიკური სამსახურის კამჩატკის ფილიალის ცნობით, დამკვირვებლებმა ვულკანის დასავლეთ ფერდობებზე აფეთქებები და ლავის ხილული ნაკადები დააფიქსირეს. მანამდე, მეცნიერები კვირების განმავლობაში წინასწარმეტყველებდნენ ამოფრქვევას და აღნიშნავდნენ, რომ ვულკანის კრატერი თანდათან ლავით ივსებოდა.
კამჩატკის რეგიონში მდებარე კლიუჩევსკოი 4750 მეტრზე მდებარეობს და ბოლოს 2023 წელს ამოიფრქვა.
ცნობისთვის, დღეს, კამჩატკაზე 8.8 მაგნიტუდის სიმძლავრის მიწისძვრა მოხდა.