საქართველოს მეხუთე პრეზიდენტი, სალომე ზურაბიშვილი მიმდინარე აქციებისას დაპატიმრებული აქტივისტის, საბა სხვიტარიძის შესახებ პოსტს აქვეყნებს.
„წესით ახლა უკვე თავისუფალი უნდა იყოს. და ციხეში გატარებულ დროისთვის კომპენსაციას უნდა უნიშნავდნენ… ნორმალურ ქვეყანაში!
თავისუფლება საბას (იურისტი საბა ბრაჭველი წერს ამ ამბავთან დაკავშირებით და კარგად განმარტავს)“, – წერს ის.
შეგახსენებთ, გუშინ სხვიტარიძეს სასამართლომ ბრალდების მუხლი გადაუკვალიფიცირა – მას ბრალი 353-ე მუხლიდან 120-ე მუხლით შეეცვალა.
საბა სხვიტარიძეს პოლიციელზე თავდასხმის ნაცვლად, ჯანმრთელობის განზრახ მსუბუქ დაზიანებას ედავებიან.